Giklaro sa Cebu City Transportation Office (CTTO) pinaagi sa ilang pangu nga si Raquel Arce ang mga lagda ug schedule sa pag-duty sa mga traffic enforcer sa dakbayan aron masiguro ang kahapsay sa trapiko ug ang kaluwasan sa mga personahe niini taliwala sa kainit sa panahon.
Subay sa pamahayag ni Arce, gihan-ay ang oras sa pag-patunga sa kadalanan aron maprotektahan ang mga enforcer sa grabeng kainit sa adlaw samtang nagpabilin ang ilang pag-atiman sa dalan.
Diin ang duty Schedule sa buntag nga alas 5 hangtud alas 2 sa hapon kay obligado nga mopatunga sa dalan gikan 6:00 AM hangtod 9:00 AM samtang dili pa kaayo init ang adlaw.
Sa sa Hapon nga shift nga ala una hangtud alas 10 sa gabii kay oibligado silang magpatunga sa kadalanan sa rush hour gikan alas 4 hangtod alas 8 sa gabii.
Ingon man nga gitugotan nga magpasilong apan gisiguro ni Arce nga kinahanglang magpabilin gihapon silang makita o visible sa mga motorista.
Gipahimug-atan usab nga kung adunay aberya, aksidente, o traffic jam, obligado gihapon ang mga enforcer nga mopatunga sa dalan aron mo-atiman sa trapiko.
Gipanghimakak usab ni Arce ang persepsyon sa pipila ka motorista nga “manago” ang mga enforcer. Inay matod niya, nagpasilong lang kini tungod sa kainit samtang nakasuot sa ilang opisyal nga long-sleeved uniform ug kalo.
Gipahimangnoan usab niya ang mga driver ug motorista nga dili lang motuman sa balaod sa trapiko tungod kay nangita og enforcer, kundi kinahanglang mo-sunod sa lagda sa tanang higayon.
