-- ADVERTISEMENT --

Gibuhian sa mga Houthi rebels ang gibana-banang 600 ka mga prisoners of war (POWs), nga giisip nga kinadak-ang ihap sa mga piniriso nga gipagawas sukad nagsugod ang panagbangi sa nasud.

Sumala ni Abdul-Qader al-Murtaza, ang opisyal sa Houthi nga nagdumala sa mga hisgutanan bahin sa mga binilanggo, kini na ang labing dakong batch sa pagpagawas og mga piniriso sulod sa 12 ka tuig nga gubat sibil sa Yemen.

Gikumpirma usab sa International Committee of the Red Cross (ICRC) ang maong kalamboan, diin mismo ang ilang mga kawani ang mikuha sa mga gipagawas nga binilanggo ug midala kanila ngadto sa mga tambalanan aron mapaubos sa hingpit nga medikal nga pagsusi.

Sa wala pa hingpit nga gibuhian, nagpahigayon una ang mga representante sa Red Cross og tagsa-tagsa ka interbyu sa mga piniriso aron masiguro ang ilang kahimtang ug kabubut-on.

Kahinumdoman nga milunsad og dakong opensiba ang mga rebeldeng Houthi sa Yemen tungod sa ilang tinguha nga mailog ang pagkontrol sa Gobyerno sa mao nga nasud.

-- ADVERTISEMENT --