-- ADVERTISEMENT --

Naabot sa 15 ka panimalay ang nangaugdaw sa sunog nga mitumaw sa Sitio Buli, Barangay Kamputhaw, dakbayan sa Sugbo niadtong Martes sa hapon, Nobyembre 17, 2026.

Nadawat ang report sa mga sakop sa kabomberohan pasado ala-1:00 sa hapon diin giisi ang first alarm ala 1:48 sa hapon.

Gibanabana nga mokabat sa 210 mil pesos ang kinatibuk-ang kantidad sa danyos nga gipahinabo sa sunog.

Dali ra nga naka-penetrate ang mga sakop sa kabomberohan sa maong sunog ug wala kini naabtan og oras sa wala pa gideklarar nga under control tungod kay giliyokan sa mga sakop sa kanomberohan ang lugar nga naigo sa sunog ug wala ra pud kaayo nikuyanap ang kalayo sa kasikbit na mga lugar.

Gideklarar nga na-fire under control ang sunog alas 2:28 sa hapon, samtang gideklarang fire out alas 2:36 sa hapon.

-- ADVERTISEMENT --

Matud ni SFO3 Wendell Villanueva, ang spokesperson sa Cebu City Fire nga sa pagkakaron, wala pay dugang impormasyon kabahin sa posibleng hinungdan sa sunog apan base sa inisyal nga imbestigasyon nga nakuha nga ang hinungdan sa sunog kay ang pag-spark sa kuryente.

Temporaryonh gipahimutang na sa Barangay Officials ang mga apektadong nasunogan sa camputhaw gym ug dali pud nga nilihok ang mga konsehal ubos sa pagdumala ni Kapitan Jessica Candungog aron magpahigayon og pagpangandam sa mga ipanghatag nga food supplies ug temporaryong katulgan.

Nagpahigayon usab sila og profiling sa mga reaidente nga naapil ang ilang panimalay sa maong sunog ug sa paghatag og mga financial assitance niini.