-- ADVERTISEMENT --

Miulbo ang sunog sa usa ka commercial building nga namaligya og mga butane ug gasul sa Barangay Ilihan, lungsod sa Tabogon, lalawigan sa Sugbo niadtong Miyerkules sa hapon, Nobyembre 18, 2026.

Sumala sa report, nakadawat og tawag ang Tabogon Fire Station pasado alas 4:11 sa hapon kalabot sa maong sunog. Miabot ang mga bombero sa lugar alas 4:38 na sa hapon, diin mikabat sa 36 minutos ang ilang biyahe. Daling girespondehan sa mga bombero sa BFP Tabogon, kauban ang BFP Borbon, ang maong insidente.

Wala ray naitalang namatay o naangol sa maong sunog, lakip na sa hanay sa mga bombero nga miresponde. Wala pa usab matino ang kantidad sa danyos nga gipahinabo sa sunog.

Gibutyag ni Lentejas nga ang hagit nga giatubang sa kabomberohan atol sa pagpalong sa kayo mao ang kakulang sa suplay sa tubig nga ilang gidala, ilabina gumikan sa kadako sa sunog. Ang maong commercial building nahimutang usab sa daplin mismo sa dalan, hinungdan nga daghang mga tawo ang nakakita ug nakareport sa maong insidente.

Tungod niini, giawhag sa niya ang publiko nga magmatngon sa pagdumala ug paggamit sa mga butane ug gasul, tungod kay dali kining mahimong hinungdan sa paspas nga pagkaylap sa kalayo. Gipahinumdoman usab ang mga establisemento nga adunay gasul ug butane nga kanunayng mag-andam og fire extinguisher ug likayan ang pagpasiga o pagduol og bisan unsang tinubdan sa kayo duol sa mga gas refilling station.

-- ADVERTISEMENT --