-- ADVERTISEMENT --

Nagpresentar ang grupo sa mga abogado ni VP Sara Duterte, og usa ka bahin sa video gikan sa impeachment trial ni Corona, diin makita ang mitaliwan nga si Senator-judge Miriam Defensor-Santiago nga daw nagbadlong o naghatag og leksyon sa prosecution panel gikan sa House of Representatives.

Usa sa mga punto nga gihisgotan sa mitaliwan nga senador mao ang daw pagsaulog sa prosecution—nga naglihok nga morag daan na silang nakadaog sa kaso—bisan pa man og wala pa mahuman ang husay.

Human sa pipila ka minuto nga pagpagawas sa video, gimandoan ni Trial Presiding Officer Chiz Escudero nga hunongon kini.

Nagkanayon si Senator Erwin Tulfo nga wala siyay nakitang kalabotan sa maong video, ug giawhag niya ang kampo sa depensa nga pasagdan na lang nga makapahulay ang mitaliwan nga senador. Gipadayag usab ni Senator Ping Lacson ang iyang suporta sa pahayag ni Tulfo.