CEBU CITY-Gihimakak ni Atty. Jerone Castillo, acting City Budget Officer ug Special Assistant to the Mayor, ang mga pasangil sa plano ni Mayor Mike Rama sa ‘privatization’ sa Metropolitan Cebu Water District.
Matud pa ni Castillo, nga human sa pagpasaka sa investigation report sa MCWD ug petition for removal ni MCWD Chairman Atty. Joey Daluz III, ug Board of Director members Miguelito Pato ug Jodelyn May Seno, ang Cebu City Legal Office walay nadawat nga tubag gikan sa mga reklamante sa isyu sa graft and corruption nga gilabay ngadto kanila apan nitutok hinuon sa ‘privatization’ nga alang kaniya usa ka smokescreen sa tinuod nga isyu nga ilahang gi-atubang.
Una niini, nigawas ug pamahayag ang pangu sa METROPOLITAN Cebu Water District (MCWD) chairman Jose Daluz III nga dako iyahang pagtuo nga ang rekomendasyon sa Cebu City Legal Office (CLO) nga tangtangon siya ug ubang mga sakop sa board of directors (BOD) sa MCWD posibleng usa ka pagsulay sa pagduso sa “privatization” sa water utility.
