Gikataho nga ang aktuwal nga pagdungog sa impeachment court sa Senado batok kang Bise Presidente Sara Duterte lagmit magsugod sa Hunyo, sumala ni Senate President Alan Peter Cayetano.
Ingon man nga ang impeachment trial batok kang Bise Presidente Sara Duterte mamahimong ipahigayon kada adlaw.
Sumala ni Senate President Alan Peter Cayetano, ang husay mismo mahimong ipahigayon sa tunga-tunga sa Hunyo o atol sa break sa sesyon sa Senado isip usa ka legislative body.
Gipasalig ni Cayetano nga bisan pa sa impeachment trial, dili nila pasagdan ang ilang trabaho sa paghimo og mga balaodnon tungod kay mahimo gihapon nila nga ipahigayon ang mga hearing sa komite.
Sa pag-sesyon pag-usab, matod niya, ilang bahinon ang ilang oras alang sa impeachment trial ug alang sa paghisgot sa mga balaodnon.
Samtang, gipahibalo ni Batangas Rep. Gerville Luistro nga ang House Prosecution Panel andam na nga moatubang sa impeachment court bahin sa Articles of Impeachment batok kang Bise Presidente Sara Duterte.
Sumala ni Luistro, nalipay sila sa pagtigom sa Senado isip impeachment court subay sa mandato sa Konstitusyon.
Gipasiugda usab niya nga dili lang ang pagporma sa impeachment court apan lakip na ang pagdungog mismo ang angay nga ipahigayon dayon.
