Gibasol karon sa gobyerno sa Taliban ang kamatayon sa dose-dosenang mga tawo ingon man ang mga kadaot nga naangkon sa usa ka drug treatment center sa Kabul, Afghanistan human sa usa ka air strike.
Apan hugot nga gihimakak sa Pakistan ang akusasyon ug giingon nga ang ilang gitarget lang mao ang mga instalasyon sa militar ug “terrorist support infrastructure” sa Kabul ug mga bahin sa lugar sa Nangahar.
Sumala sa pagdumala sa ospital, posible nga adunay gatusan nga mga biktima gikan sa dul-an 2,000 ka mga pasyente ang gitambalan
Ang pipila ka mga residente sa lugar nakadungog og kusog nga mga pagbuto sa Kabul, gisundan sa tingog sa mga eroplano ug mga air defense system.
Gikataho usan nga nagkagrabe ang tensyon tali sa Afghanistan ug Pakistan ning bag-ohay lang, human giakusahan sa Pakistan ang Afghanistan nga naghatag og kapasilongan sa mga militanteng grupo, usa ka akusasyon nga gihimakak sa Taliban.
Samtang, giklaro sa tigpamaba sa Afghan Health Ministry nga walay mga pasilidad sa militar nga nahimutang sa palibot sa ospital.
