Kusganong gihimakak sa pamunoan sa Armed Forces of the Philippines (AFP) ang kabahin sa hulagway nga nikatap sa social media kalabot sa dinagkong shipment sa mga military supplies gikan sa Amerika paingon sa Pilipinas.
Matod ni AFP Public Affairs Office Chief Col. Xerxes Trinidad, nga ang screenshots nga mensahe gikan sa usa ka “General David” bahin sa Armed Forces of the Philippines (AFP) nga giingong anaa sa red alert status ug nakadawat og mga kagamitan sa gubat kay peke o daan na nga isyu.
Dugang ni Trinidad nga natubag na nila kini nga isyu kaniadto pang tuig 2021 busa dili na kini bag-o ug gipasalig usab sa AFP nga nakatutok sila sa tanang kalambuan.
Usa kini ka panawagan sa publiko nga dili na lang motuo sa impormasyon nga mikatap sa social media.
Ingon man nga gihangyo sa Armed Forces of the Philippines nga motuo sa lehitimong AFP channels ug reputable sources.
