Gipaniguro sa Armed Forces of the Philippines (AFP) nga padayon nilang ipatuman ang ilang misyon sa West Philippine Sea bisan pa sa padayong pagpit-os sa China sa exclusive economic zone sa nasod.
Matod ni AFP deputy chief of staff Lt. Gen. Sean Gaerlan, magpadayon ang ilang mga misyon busa padayon silang nanawagan sa mga Pilipino nga suportahan sila.
Sa usa ka pamahayag, ang CCG miingon nga ang BRP Datu Sanday “ilegal nga misulong” sa teritoryo sa China ug nagpadayon sa pagduol sa ilang mga barko sa “peligro nga paagi.”
Ang BRP Datu Sanday mopahigayon og humanitarian mission gikan sa Hasa-Hasa Shoal aron sa paghatod sa diesel, pagkaon, ug medical supplies sa mga mangingisda nga Pilipino sa Escoda Shoal.
Apan matud sa National Security Council kon NSC nga luwas na ang mga pasahero sa BRP Datu Sanday.
Kahinumduman nga gitabangan og bangga ug gibombahan og water cannon ang BRP Datu Sanday sa Bureau of Fisheries and Aquatic Resources (BFAR) sa mga barko sa Chinese Coast Guard (CCG) gahapong adlawa.
