CENTRAL VISAYAS-Na-neutralize sa mga sakop sa Armed Forces of the Philippines – Visayas Command ang mga kadagkoan sa militanteng grupong Communist Party of the Philippines – New People’s Army (CPP-NPA) atol sa operasyon niini sa isla sa Panay sa kasadpang bahin sa kabisaya-an.
Nahitabo ang maong operasyon niadtong Agosto 15 pinaagi sa mga sakop sa 82nd Infantry Battalion ubos sa Joint Task Force (JTF) Spear kinsa nakipagbakbakan sa mga kaatbang sulod sa 10-ka minuto ka pagbinayloay ug bala.
Gumikan niini, napahuyang nila ang Regional Headquarters sa NPA, sa Central Front (CF) ug sa Komiteng Rehiyon (KR) sa Brgy. Cabatangan, Lambunao, probinsya sa Iloilo.
Ang panag-away miresulta sa pag-neutralize sa duha (2) ka NPA Top Leaders, kinsa naila sa ulahi nga sila si Maria Concepcion Araneta Bocala alyas “Inday” o “Concha”, usa ka NDF Consultant ug ang Deputy Secretary sa KR – Panay; ug Vivian Torato alyas “Muray” o “Minerva”, ug ang Kalihim sa huyang nga guerilla front sa BHB sa Panay, ang Central Front (CF).
Narekober sa encounter site ang unom (6) ka mga armas, lakip na ang tulo (3) ka M16 assault rifles; usa (1) ka M79 grenade launcher; usa (1) 7.62mm assault rifle; ug usa (1) ka Shotgun ug uban sa nagkadaiyang mga buhing bala; mga asembliya sa magasin; komersyal nga handheld radio; mga mobile phone; Mga Bandila sa NDF ug NPA; ug mga backpack nga adunay sulod nga personal nga mga butang.
Kahinumduman nga sa susamang petsa, narekober sa mga sakop sa 82nd Infantry Battalion sa 82nd Infantry Battalion sa Sitio Igdagmay, Brgy. Cabatangan, Lambunao, Iloilo. Gituohan nga si Hinojales giabandonar sa iyang mga sakop human sa engkwentro niadtong Agosto 07 ug gipasagdan nga mamatay sa grabeng kamatayon.
Gidayeg sa pamunoan sa AFP-VisCom nga si Lieutenant General Fernando Reyeg PA ang maong operasyon sa padayon nga dili matarug nga pasalig sa kalinaw ug seguridad sa kabisay-an ilabi na sa isla sa Panay.
Dugang sa opisyal nga nanghinaot kini sa bag-o nga kalamposan makahatag ug lig-ong mensahe sa pipila ka nahibiling membro sa CPP-NPA nga padayong naghulga sa kaluwasan ug seguridad sa atong katawhan sa Visayas region og ingon man sa hingpit nga pag-surrender nila sa sabakan sa gobyerno.
