Gisaysay ni Commo Roy Vincent Trinidad, ang tigpamaba sa Philippine Navy alang sa West Philippine Sea (WPS), nga wala gihapon sila’y nakita nga pagminus sa mga aksyon sa China sa WPS bisan pa sa kasabutan sa pagwagtang sa tensyon tali sa China ug PH.
Apan, basi sa gidaghanon sa mga barko sa China sa WPS, namatikdan sa AFP ang gamay nga pagkunhod sa gidaghanon kung itandi sa miaging mga bulan.
Gipasiugda ni Trinidad nga ang Pilipinas magpabilin nga dili escalator ang mga aksyon niini.
Matod niya nga ipadayon usab nila ang ilang RORE missions, maritime air surveillance flights ug pagmintinar sa integridad sa nasudnong teritoryo sa West Philippine Sea.
Dugang pa nga ang tanang aksyon sa Pilipinas gigapos sa rules of engagement ug international law, ug ang mga aksyon sa Chinese Communist Party sa West Philippine Sea mao mismo ang escalator.
Samtang, si Trinidad niingon nga nasayod sila sa mga kalihokan sa Russian Navy ug sa People’s Liberation Army Navy.
Diin ang bag-o lang nga exercise nga gihimo sa duha ka nasud sa kadagatan sa Pilipinas giingong gawas sa atong exclusive economic zone.
Apan bisan pa niini, padayong gimonitor sa Pilipinas ang ilang mga kalihokan.
