-- ADVERTISEMENT --
Nakasulod sa round of 16 sa Indian Wells Open ang rising Filipina tennis star nga si Alex Eala human miatras ang world number 4 nga si Coco Gauff tungod sa naangkon niini nga injury sa ilang ikatulong hugna nga duwa.
Si Eala, nanguna sa score nga 6-2, 2-0 sa dihang misurender si Gauff human nakadawat og medical treatment alang sa iyang wala nga bukton.
Sa duwa, gihatagan si Gauff og trainer aron motabang sa iyang abaga ug bukton human siya napildi sa katapusang duwa sa unang set.
Hinuon, wala madugay gipahibalo niya sa net nga dili na niya ipadayon ang duwa human napildi sa serve sa ikaduhang duwa sa ikaduhang set.
Subay niini, pangandaman na ni Eala ang iyang duwa batok kang Linda Noskova sa Czech Republic alang sa quarterfinals sa torneyo.
-- ADVERTISEMENT --
