Pakyas man makadaog apan mapasigarbohon gihapon ang Pinay Tennis star nga si Alex Eala human sa finals match niini batok kang Australian Tennis player nga si Maya Joint sa Eastbourne Open sa United Kingdom niadtong Sabado sa gabii, Hunyo 28.
Ang 19-anyos nga si Joint kay nakuha nag kampyonato batok sa Pinay star sa pinakaunang WTA Tour crown niini nga magtimaan sab sa iyang ikaduhang titulo sa iyang pro career human sa Morroco Open clay court championship niini niadtong buwan sa Mayo 2025.
Ang Australiana kay unang nanghawd sa maong finals game diin nakakuha kini og labaw sa 1st set sa wala pa niini gipildi si Eala.
Gani sa tunga-tunga sa duwa kay misuway pa og comeback si Eala diin sa 2nd set napapungot pa niya si Joint nga gipuspos ang iyang racket tungod sa maayong gipakitang duwa sa Pinay.
Milanat og 2 ka oras ug 26 minutos ang finals matchup sa duha ka dalagitang Tennis prodigy kun diin sa ulahi naglamapuson si Joint samtang anaa sa komportableng 2nd placer si Eala.
Congratulations gihapon, Alex Eala!!
