Natuldukan na ang kampanya ni Filipino tennis star Alex Eala sa Wimbledon.
Kini human napildi si Eala sa iyang unang duwa sa Wimbledon batok sa defending champion nga si Barbora Krejcikova sa iskor nga 6-3, 2-6, 1-6.
Gihuptan ni Eala ang labaw sa unang set apan pagsulod sa ikaduha ug ikatulo nga set, gipakita ni Krejcikova ang iyang kahanas sa pagduwa batok sa ranking 56 player.
Mipatigbabaw ang kahanas sa Czech player kay naggunit siya og 5-0 nga labaw sa ikaduhang set.
Si Krejcikova wala makaduwa sa quarterfinals sa Lexus Eastbourne Open sa miaging semana tungod sa injury samtang si Eala nakaabot sa finals sa maong torneyo.
Apan, bisan paman napildi kay nakadayeg sa Czech player kang Eala tungod sa pagsurprisa kaniya sa unang hugna.
Sunod nga ikasangka ni Krejcikova si World No. 66 Caroline Dolehide o World No. 94 Arantxa Rus sa ikaduhang hugna.
Sa laing bahin, si Eala moduwa sa women’s doubles kauban si Eva Lys diin ilang ikasangka sila si Olga Danilovic ug Anastasia Potapova karong adlawa.
