CEBU – Usa ka amahan ug iyang anak uban sa laing pito ka mga tawo ang nasikop sa usa ka drug den sa Barangay Tisa, dakbayan sa Sugbo Sabado sa gabii, Oktubre 1, 2022.
Giila ni Leia Alcantara, tigpamaba sa Philippine Drug Enforcement Agency in Central Visayas (PDEA-7), ang giingong tag-iya sa drug den nga si Benedicto Arias.
Kung diin iyang gimintinar ang drug den sa tabang sa iyang anak nga si Christian.
Hinungdan nga nasikop usab uban sa duha sila si Lawrence Parba, Bart Villona, Roy Gadiano, Ace Parba, Richard Abucay, James Daclan ug Jeffrey Cabalquinto.
Nakuha sa mga ahente sa PDEA-7 ang 16 gramos sa gituohang shabu nga mobalor og P108,800.
Samtang sa pikas bahin nasakmit sa kapulisan sa Parian ang P8.1 milyones nga kantidad sa gituohang shabu atol sa buy-bust operation sa Barangay Lorega San Miguel, dakbayan sa Sugbo, Dominggo sa kadlawon, Oktubre 2, 2022.
Giila sa kapulisan ang suspek nga si Leo Cortes.
