Gipusil-patay ang Amerikanong right-wing conservative activist nga si Charlie Kirk atol sa usa ka political rally niini sa Orem, Utah, niadtong Miyerkules, Septiyembre 10 (oras sa Amerika).
Patay diha-diha dayon ang biktima human naigo sa liog sa bala sa gikatahong bolt-action sniper pipila ka metros ang gilay-on gikan sa gikahimutngan sa aktibista.
Inila si Kirk isip co-founder sa konserbatibong youth organization nga TurningPoint USA nga nagsabwag og mga pamulong isip gun-rights activist, pro-life kabahin sa pagmabdos sa mga babaye bisan pa nga bunga kini sa mga makalilisang nga panghitabo ug uban pa.
Suod nga alyado ang biktima ni US President Donald Trump hinungdan nga ang presidente kay gikatakdang muhatag og Presidential Medal of Freedom kang Kirk nga nagpamatuod sa ilang paghinigalaay og dili sa maayong natampo niini sa katilingban.
Kasamtangang nagpadayon ang manhunt operation sa mga awtoridad kabahin sa mikinsa man sa suspek sa pagpamusil.
