Posibleng mokunhod ang abot sa tubo o mokunhod ang sustansya niini human maapektuhan ang 23,000 ka ektarya nga tubo sa Isla sa Negros tungod sa pagbuto sa Mt.kanlaon, sumala sa Sugar Regulatory Administration.
Matod sa SRA, nisaka ang lebel sa acidity sa mga dahon sa tubo ug yuta sa umahan tungod sa ashfall.
Hinungdan nga nanghinaot na lang ang Sugar Regulatory Administration nga matunaw sa ulan ang abo sa mga umahan.
Ug sa higayon nga magpadayon ang ashfall, gitambagan ang mga mag-uuma nga patubigan ang ilang mga umahan batok sa dili maayo nga epekto sa abo.
Matod ni Asec. Arnel de Mesa, tigpamaba sa Department of Agriculture, ilang gitutokan karon ang kaluwasan sa mga mananap, pagpabakwit ug pagbutang niini sa luwas nga dapit.
Sa pagkakaron ilang gipangandaman ang mga interbensyon sa departamento aron matabangan ang mga apektadong mag-uuma nga makatanom na usab.
