CEBU – Gitawag ni Dr Rene Josef Bullecer nga usa ka “uncalled for” nga balaudnon ang “ghosting” isip emotional offense nga giduso ni Negros Oriental Rep. Arnie Teves Jr.
Matud pa ni Bullecer nga dili naman kinahanglan ang maong balaud ilabi na niining moderno nga panahon nga uso na ang ‘dating’ ug anaa na usab ang tabang sa moderno nga teknolohiya isip taytayan sa komunikasyon.
Hinuon, gitataw sa naasoy nga medical doctor nga ang tawo nga mabiktima sa gitawag nga “ghosting” kay posibli nga makaagi ug emotional problem nga musangpot sa depresyon.
Apan, giingong dili na gayud gikinahanglan pa nga himuon kining balaud.
Gibutyag ni Dr Bullecer nga usa ka ‘binata’ ug susama nga wala na’y lain nga nahunahuna-an si Teves nga balaudnon nga iduso niini sa Kongreso.
