CEBU CITY-Gibutyag ni SFO1 Direk Cordova, Chief Fire Investigator sa Minganilla Fire Station nga gituyo og dili aksidente ang pagkasunog sa MTC ug uban pang mga opisina sa Minglanilla kagahapong adlawa.
Diin patay ang gitumbok nga suspect nga si Jose Mesa Agusto, 60-anyos, minyo, og empleyado mismo sa Municipal Trial Court.
Base sa imbestigasyon gikan ni Minglanilla Police Chief PCapt. Kalvin Golitod, adunay mga witnesses ang ni-claim nga si Agusto, lumad nga taga Barangay Panadtaran, San Fernando, nisunog sa mga documents ilawm sa iyang lamesa gamit ang iyang lighter diin pagkakita ni Judge Wilson T. Ibones, iyang gisugo si Darwin Rondina nga badlungon si Agusto imbes nga mopatuo, nikuha na hinuon ug fluorescent tube ug gigamit kini pagbunal sa ulo ni Rondina.
Gibunalan pod ni Agusto si Ibones og ang uban pang mga empleyado diin samtang nahitabo ang pagpamunal, nidaku pod ang sunog og nag panic na ang mga empleyado sa korte.
Hinungdan nga nagsininggitay ang mga empleyado ug nanagan padung sa pultahan, apan wala sila kagawas kay gi-lock kini ni Agusto.
Dugang niini, adunay 15 ka mga naangol, og naningkamot ang mga employado nga makagawas sa korte tungod kay gi ‘forcible entry’ kini nila ang duha ka mga pultahan sa MTC.
Samtang sa inisyal nga pagbana-bana, miabot sa P6.8 Million ang danyos sa maong sunog.
