UTTAR PRADESH, INDIA-Mi-file og divorce ang usa ka babaye sa India tungod ka-usa o kaduha ra ka higayon nga maligo sa usa ka buwan ang iyang nabana.
Matud sa panultion nga kung pinangga nimo, dawaton nimo kung unsa pa siya.
Apan, human sa 40 ka adlaw sukad sila nagpakasal, gusto ng buwagan sa babaye ang iyang bana.
Ang maong asawa nga gikan sa Agra sa Uttar Pradesh state sa India, ang nagpatabang sa local family counseling center aron ireklamo ang iyang bana tungod sa ‘mala’-kanding niining baho.
Ingon man nga gawas sa dili halos maligo, dili usab kini mag-ilis ug sa higayon nga maggakos sila, pamati niya daw malumos kini sa baho sa iyang bana.
Tungod niini, misaad ang bana nga usbon ang iyang hygiene ug maligo na adlaw-adlaw apan gibarugan sa babaye nga dili na kini gustong magpadayon pa ang ilang panag-uban isip magtiayon.
