Nagdumili sa pagkomento ang legal counsel ni Kanhi Presidente Rodrigo Duterte nga si Nicholas Kaufman, sa pangangkon ni Honeylet Avanceña, ang common-law wife sa kanhi president nga giingong gidid-an kini sa pagbisita sa International Criminal Court (ICC) detention center sa The Hague.
Matud ni Kaufman, sa ngalan sa hudisyal nga mga hinungdan ug tungod sa respeto sa family privacy, dili kini mohimo sa pagkomento.
Gidugang niini nga sukwahi sa mga pangangkon ni Avanceña, ang mga katungod sa pagbisita wala gitino sa Counsel kondili sa mga awtoridad sa detention center nga adunay interbensyon sa mga maghuhukom kung gikinahanglan.
Apan, niluwat og kompirmasyon ni Avanceña nga gisuspenso kini sa pagbisita sa ICC detention facility.
Diin matod niya nga sa iyang kataposang pagbisita, lima ka minuto sa dili pa matapos, giingnan siya nga suspensuhon siya sa pagbisita.
Ingon man nga gibasol niini si Kaufman tungod niadtong Hulyo 19, ang kanhi presidente mitawag kaniya ug giingong nagkomento kini sa kaso.
