Hugot nga gihimakak sa kampo ni Senador Ronald “Bato” dela Rosa ang pamahayag sa National Bureau of Investigation (NBI) nga naghulagway sa senador nga “armado ug delikado,” samtang giklaro nga ang pasangil walay lig-on nga basehanan.
Sumala sa abogado sa senador nga si Atty. Israelito Torreon, ang maong paghulagway dili makatarunganon ug dili makatabang sa hustong pagsulbad sa mga legal nga isyu nga giatubang sa magbabalaod.
Giinsistir niya nga ang senador usa ka pinili nga opisyal nga kalmado nga naglihok ug nagsunod sa iyang mga katungdanan isip usa ka alagad sa publiko.
Nanawagan usab ang kampo ni Dela Rosa sa mga awtoridad nga magpakita og pailub samtang naghulat sa desisyon sa Korte Suprema sa ilang mosyon nga balihon ang naunang desisyon nga nagdumili sa interim relief.
