Mipadayag si kanhi Commission on Elections Commissioner Atty. Rowena Guanzon sa iyang opinyon kalabot sa nagpadayong imbestigasyon sa Department of Justice (DOJ) pinangulohan ni Justice Secretary Jesus Crispin Remulla kalabot sa kaso sa mga ‘missing sabungeros’.
Matud ni Guanzon nga dili makiangayon ug dili makiangayon ang pag-ingon ni Remulla nga usa ka ‘criminal syndicate’ ang grupo sa iladong business tycoon nga si Mr. Charlie Atong Ang sa wala pa magsugod ang preliminary investigation sa kaso.
Matod niini nga ang usa ka Secretary of Justice kinahanglan nga ‘above politics’, patas ug kinahanglan usab nga mosunod sa ‘due process’ nga subay sa balaod kay siya ang kataposang mopirma sa resolusyon nga ipagawas sa kaso nga maggikan sa buhatan sa piskalya.
Sigon niini makapabalaka ang mga kalambuan sa kaso ilabi na sa bahin sa pagpasaka og kasong murder batok sa grupong Ang nga naglakip usab sa pipila ka mga pangalan sama sa aktres nga si Gretchen Barretto.
Dugang pa niini nga makahadlok palandungon nga wala pa gani magsugod ang kaso ug ang mga respondents nakonbikto na nga sad-an nga wala’y bisan unsang pagdungog ug wala gani moagi sa hustong proseso.
Sa laing bahin, ang kanhi komisyoner nitataw nga kinahanglang tun-an una sa DOJ og maayo ang mga kakuti sa kaso ug sugdan una ang imbestigasyon sa dili pa hukman ug hatagan og hukom ang mga respondents sa maong kaso. |Bombo Nathaniel Sandoval
