Magsangka ang gikahinaman nga defending champion Australia Boomers ug kanhi kampiyon, China sa finals sa 2025 FIBA Asia Cup karong adlawa, Lunes, Agosto 18, alas 12:00 sa udto (oras sa Pilipinas), sa Jeddah, Saudi Arabia.
Sa maong panagbangi, ang Australia gigil sa pagpaninguhang maangkon ang ikatulo nilang sunod-sunod nga titulo human gipildi ang Gilas Pilipinas (84-60) sa quarterfinals ug Iran (92-48) sa semifinals.
Nasayran nga sukad sa pag-apil sa torneyo kaniadtong 2017, ang Boomers nakadaog sa titulong kamyon sa makaduha nga higayon.
Sa laing bahin, ang China nagtinguha nga makabawi human sa katapusan nilang kampiyonato niadtong 2015, kay kung kahinumduman, niabante sila sa finals human nila gipildi ang New Zealand, 98-84.
Samtang, nagsangka ang Iran ug New Zealand alang sa pag-inilugay sa ikatulong puwesto kagabii.
