Usa ka mahiligon sa fitness gikan sa Australia ang nakahimo og 7,079 ka pull-ups sulod sa 24 ka oras, diin hapit niya nadoble ang miaging Guinness World Record.
Si Olivia Vinson, 34, nagkanayon nga nangita siya og dakong hagit sa dihang gisugyot sa iyang bana nga sulayan niya nga mabungkag ang rekord alang sa “pinakadaghang pull-ups sulod sa 24 ka oras.
Ang unang reaksyon ni Olivia puno sa katingala ug pagduhaduha kay nagtuo siya nga dili niya kini mahimo, ilabi na sa dihang nakita niya nga ang kasamtangang rekord anaa sa 4,000.
Apan, sa dihang misulay siya og pull-up, nabungkag niya ang miaging rekord nga gihuptan sa Polish nga si Paula Gorlo niadtong 2021, busa pormal niyang gisunod ang tambag sa iyang bana.
Si Vinson nagbansay-bansay sulod sa tulo ka bulan una pa ang iyang unang pagsulay nga wala magmalampuson, apan nagpadayon siya sa pagbansay hangtod nga nakab-ot niya ang kadaugan.
