NEW ZEALAND-Nalanding sa prisohan ang usa ka babaye nga taga New Zealand sulod sa duha ka buwan human nga gipakaon niya og sobra ang iyang iro hangtud nga namatay.
Sumala sa usa ka pahayag gikan sa Society for the Prevention of Cruelty to Animals (SPCA), ang iro, nga gihinganlan og Nuggi, nakit-an sa kapulisan nga adunay gibug-aton nga 54 ka kilo og hapit dili na molihok.
Gikuha si Nuggi gikan sa balay sa iyang tag-iya sa Auckland, diin nadiskubrehan sa mga pulis ang “daghang” mga iro, ug giturn-over na sa SPCA.
Namatay si Nuggi tungod sa pagdugo sa atay bisan og nawad-an kini og 8.8 kilograms o anaa sa 16.5 porsiyento sa iyang gibug-aton sulod sa duha ka bulan samtang anaa sa pag-atiman sa SPCA.
Giangkon sa organisasyon nga ang usa ka autopsy nagpadayag sa dugang nga mga isyu sa kahimsog, lakip ang sakit nga Cushing ug mga problema sa atay.
Samtang niangkon ang tag-iya nga sad-an sa pagkapakyas sa paghatag sa medikal, pamatasan, ug pisikal nga panginahanglan sa iro.
Ingon man nga ang mga beterinaryo nga migamit og stethoscope wala maka-detect sa pinitik sa kasingkasing ni Nuggi tungod sa sobra nga gibug-aton niini.
