Mikanaog dayon sa iyang pwesto isip pinakabag-ong Primo Ministro sa nasud nga Pransya si Sebastien Lecornu ug iyang mga sakop niadtong Lunes, Oktubre 6, 2025.
Kini human lang sa pipila ka oras sa pag-anunsyo kaniya sa iyang gabinete nga nagtimaan sa pinakamubo nga administrasyon sa kasaysayan sa France nga nagpalawm pa sa mga espekulasyon sa krisis sa politika sa maong nasud.
Ang kalit nga resignasyon naggikan human ang mga kaalyado ug kaatbang sa politiko mihata sa pagpatuwang sa bag-ong administrasyon nga matod pa ni Lecornu nga dili kini niya mabuhat iyang tahas kung ing-ani ang sitwasyon.
Daling nakapatibuksok sa ekonomiya sa ilang nasud og sa kwarta nga Euro ang maong panghitabo.
Miawhag na nag opposisyon kang French President Emmanuel Macron sa pag-resign o di ba kaha ang pagpatawag og snap parliamentary elections aron malibkas sa maong krisis de politika.
Nagsilbing ika-limang primo ministro ni Macron si Lecornu sulod lang sa duha ka tuig diin nagpabilin kini sa pwesto sa 27 ka adlawa lang gani iyang administrasyon milungtad lang og 14 ka oras nga nagtimaan sa pagkabuwag sa French parliament nga giilang ikaduhang pinakadakong ekonomiya sa Euro.
