Baguio City, nag-una na sa latest Batang Pinoy medal standings human nangharos sa archery

Nangharos sa natad nga archery ang delegasyon sa Baguio City sa nagpadayong Batang Pinoy National Championships sa General Santos City, South Cotabato niadtong Martes, Oktubre 28, 2025.

Kini nagbutang sa Baguio City sa unang dapit sa pinakaulahing medal tally sa maong torneyo human nakapupo og 10 ka gold medals sila sa Jianna Rae Delos Reyes, Jeptha Caleb Fernandez, Jalorrae Cxethreen Lictao, Jan Precious Laking, Kester RJ Delos Reyes, ug Ryzen Keith Viduya.

Samtang, as of 9:00 PM (Okt. 28, 2025) ania ang Partial and Unofficial results sa medal tally:

1. City of Baguio, adunay nakuha nga 23 ka Gold, 11 ka Silver ug 15 ka Bronze nga adunay total nga 49 ka medalya.
2. City of Manila, 15 ka Gold, 15 ka Silver ug 13 ka Bronze nga adunay total nga 43 ka medalya.
3. City of Pasig, 14 ka Gold, 9 ka Silver ug 22 ka Bronze nga adunay total nga 45 ka medalya.
4. City of Quezon, 13 ka Gold, 11 ka Silver ug 17 ka Bronze nga adunay total nga 41 ka medalya.

Samtang, ika-lima, ang City of GenSan, 8 ka Gold, 3 ka Silver ug 2 ka Bronze nga adunay total nga 13 ka medalya.

Ang Batang Pinoy National Championships, gipahigayon sa General Santos City gikan sa Oktubre 25 hangtod 30.