Nakasinati og dagkog mga balod nga mas taas pa sa mga poste ang Hongkong nga miabot pa sa highest level No. 10 typhoon warning signal ang niigo nga Bagyong Ragasa nga nikuso-kuso usab sa Pilipinas nga gihinganlan og bagyong Opong nga nagbilin og grabeng kadaot.
Apan, dili susama sa kadaot nga nahiaguman sa Pilipinas ang kahimtang sa Hongkon.
Kini bisan paman nga ang naasoy nga bagyo maoy usa sa labing strongest storm nga niigo sa Asia sulod sa mga katuigan gawas sa mga kadaot sa coastal restaurants nga mokabat og milyon-milyong dolyares ang pagkalugi sa mga tag-iya.
Mao kini ang gipaambit ni May Ann G. Ferrer, Bombo International Correspondent in Hongkong nga bisan paman nga dili kini una niya nga nakasinati og kusog nga bagyo sulod sa 9 ka tuig, nakita niini ang kaandam ug kalig-on sa nasud sa mga katalagman.
Dugang pa niini nga duha ka adlaw palang sa wala pa nilanding ang bagyo kay hugot na ang ilang pagpangandam sa habig sa gobyerno ug sa katawhan, ingon man nga lig-on usab ang mga pundasyon sa mga kabalayan ug edipsyo hinungdan nga walay natala nga grabeng kadaot.
