Nakasulod na sa Philippine Area of Responsibility (PAR) ang Bagyong Uwan.
Sumala sa Philippine Atmospheric, Geophysical and Astronomical Services Administration (PAGASA), ang mata sa bagyo nisulod sa PAR mga alas 10 sa gabii adlawng Biyernes, Nobyembre 7.
Gibana-bana nga adunay kusog nga hangin nga moabot sa 120 kilometros matag oras ug kusog nga hangin nga moabot sa 150 kph.
Naglihok kini paingon sa kasadpan amihanan-kasadpan sa gikusgon nga 20 kph.
Samtang, Gipaubos na sa Tropical Cyclone Wind Signal No.1 ang Northern ug Central Cebu bisan layo pa ang distansya sa umaabot nga bagyo nga padung na usab moigo sa Pilipinas.
Kataposang nahimutang ang umaabot nga Bagyong Uwan sa gilay-on nga 1,175 km sidlakang bahin sa Eastern Visayas.
Pipila sa mga lugar sa Visayas ang gipaubos sa Signal No.1 sama sa;
Northern Samar, Eastern Samar, Samar, Biliran, Leyte, Southern Leyte, the northern and central portions of Cebu sama sa Medellin, Daanbantayan, City of Bogo, Tabogon, San Remigio, Tabuelan, Borbon, Sogod, Tuburan, Catmon, Carmen, Danao City, Compostela, Liloan, Consolacion, Lapu-Lapu City, Mandaue City, Cordova, Asturias, Cebu City, Balamban, City of Talisay, Toledo City, Minglanilla lakip na ang Bantayan ug Camotes Islands.
Lakip na usab ang northeastern portion sa Bohol sama sa Getafe, Talibon, Buenavista, Trinidad, San Miguel, Ubay, Alicia, Mabini, Bien Unido, Pres. Carlos P. Garcia, northern portion sa Negros Occidental sama sa City of Escalante, Toboso, Sagay City, Cadiz City, Calatrava, ug Manapla.
Gilauman nga masinati ang hangin ug uwan gumikan sa Bagyong Uwan karong gabie, Nobiyembre 8, 2025.
