Nagpasidaan si YOUTH Party-list Rep. Renee Co nga ang padayon nga pag-usab-usab sa liderato sa Senado posibleng makaapekto sa umaabot nga impeachment trial ni Vice President Sara Duterte.
Gipunting niya ang tulo ka isyu: posibleng pagkalangan sa proseso, ang dagan sa husay, ug ang katapusang desisyon sa boto.
Giingon niya nga kinahanglan tutukan sa publiko, ilabi na sa mga batan-on, ang sunod nga mga lakang sa Senado human mapasar sa Kamara ang Articles of Impeachment.
Sumala ni Co, nakompleto sa House Committee on Justice ang proseso ug nasiguro nga lig-on ug walay lusot ang kaso.
Lakip sa mga alegasyon sa Articles of Impeachment mao ang giingong sayop nga paggamit sa P612.5M confidential funds, kadudahang transaksyon, tinago nga bahandi, suhulan sa mga opisyal sa DepEd, ug mga akusasyon sa pag-aghat sa sedisyon.
Gipahimangnoan niya ang katawhan nga bantayan ang Senado tungod sa posibleng pagkalangan sa proseso, ilabi na sa interpretasyon sa “forthwith” sa bag-ong liderato.
Miingon si Co nga kung dili makab-ot ang two-thirds nga boto sa Senado, posibleng maabswelto si Duterte.
Busa, iyang giingon nga ang hangyo sa publiko yano ra: tapuson sa Senado ang proseso sumala sa balaod.
