Cebu City- Gumikan sa kakusug sa bawod, usa ka bangka nga paingon sa Bohol ang na diskaril sa tunga tunga sa kadagatan sa Cordova Cebu.
Matud ni Coastguard Cebu Station Commander Alvin Dagalea nga ang MB Meme 5 nga dunay sakay nga 69 ka mga pasahero ug 7 ka mga crew ang paingon unta sa Hetafe Bohol ganihang pasado alas siete sa buntag.
Apan human sa 30 minutos nga paglawig sa kadagatan, nabuslot ang hull sa maong pumboat ug nasudlan kini ug tubig human nahapak sa dagkong balod.
Luwas usab nga na rescue ang mga pasahero ug nadala sa Pier 1 sa dakbayan sa Sugbo ug nahatagan dinaliang atensyong medical ingon man pagkaon.
Nakig coordinate na usab ang PCG ngadto na sa tag-iya sa maong motor bangka kun unsa ang ilang matabang ngadto na sa mga pasahero.
