MANDAUE CITY-Giklaro ni Atty. Jamaal James Calipayan, ang Mandaue City Administrator nga ilang gibawi ang duha ka garbage truck sa Brgy. Guizo Mandaue City tungod kay ang ilang mga Garbage truck wala’y klaro ang maintenance.
Matud ni Atty. Jamaal nga daghang reklamo ang ilang nadawat nga dili dayon makuha ang mga basura sa mga konstituwente sa naasoy nga barangay hinungdan nga ang Mandaue City Government na ang mohakot sa mga basura sa Brgy. Guizo.
Gidugang pa niini nga gawas sa maong rason kay gisaysay usab ang usa sa mga bug-at nga hinungdan nga ila kining gibakwi nunot sa rekomendasyon sa Mandaue City Environment and Natural Resources Offices (MCENRO) ug sa General Services Office.
Tungod sa dugay na nga panahon nga kanunay nga mahatagan og citation ug matawag ang atensyon sa Guizo tungod sa mga reklamo nga wala gipangkuha.
Ingon man nga na-isyuhan na usab ang Kapitan sa naasoy nga dapit nga mao’y responsable sa solid waste management.
Apan, gipanghimakak kini ni Brgy. Guizo Kapitan Jesus Neri Sr. gumikan grabe ang ilang paningkamot nga makuha ang mga basura sa ilang dapit, inay dili tanan ang makuha tungod sa mga anomalya sama sa usa ra kabuok ilang garbage truck ug usa ra ang ilang garbage collector.
Gipun-an pa nga gibawi sa Mandaue City Govt hinungdan nga naglisod na kini nga makakolekta og basura.
