Mapasalamaton si Cebu Governor Pamela Baricuatro, nga mitugot ang kagamhanan sa lungsod sa Aluguinsan sa pagdawat sa mga basura nga ilabay sa ilang lugar gikan sa Dakbayan sa Sugbo.
Matud ni Baricuatro nga nalipay siya gumikan kay wala magduha-duha si Aluguinsan Mayor Cesar Ignacios Moreno, sa pagtando nga temporary una nga mag-labay ang Dakbayan og basura sa ilang lugar.
Dugang usab sa gobernadora, nga taliwala sa pagbalibad sa lungsod sa Minglanila, mapasalamaton kini sa Aluguinsan sa pagpakig-alayon gumikan kay pipila usab ka mga empleyado gikan sa Probinsya ang nanarbaho sa siyudad og gitino nga contributor usab kini nga daghan og basura ang siyudad.
Gihimug-atan ni Baricuatro ang pagpakig-alayon sa mga nagkadaiyang kagamhanan nga tabangan ang Dakbayan sa pagsulbad sa problema sa basura hilabi na nga sapagkakaron wala pa nahimutang ang plano usab nga paglabay sa basura sa Toledo City.
Kahinumdoman, mibutyag si Aloguinsan Mayor Cesar, wala pay pormal nga kasabutan ang dakbayan sa posibleng paglabay sa basura niini ngadto sa maon lugar, apan uyon hinoun kini sa maong katuyoan.
Samtang giklaro usab ni Moreno nga kung mahinayon man ang kasabutan, molanat lang kini og usa ka bulan nga temporaryong makalabay ang dakbayan sa landfil sa ilang Lungsod.
