Gibutyag ni Cebu Governor Pamela Baricuatro atol sa iyang State of the Region Address (SORA) niadtong Miyerkules, Hunyo 24, 2026, nga padayon nga nag-uswag ang ekonomiya sa Visayas, kalambuan sa mga dagkong proyekto sa imprastraktura, ug nagpalig-on sa mga programa nga nagtumong sa pagimrpobar sa kinabuhi sa mga tawo niini.
Matud ni Baricuatro, kinsa nagsilbing Chairman sa Regional Development Council (RDC)-7, miingon nga ang performance sa lalawigan sa miaging tuig nagpakita sa abilidad niini nga makabangon ug mopadayon taliwala sa kalisdanan.
Sigon sa gobernadora nga ang ekonomiya sa rehiyon misaka og 3.7% sa 2025, nga nagdala sa Gross Regional Domestic Product (GRDP) ngadto sa P1.32 trilyon ug nagmintinar sa posisyon niini isip pinakadako nga ekonomiya gawas sa Luzon ug ang ikaupat nga pinakadako sa nasud.
Dugang usab niini nga ang inflation nagpabilin nga anaa sa 2.5%, sulod sa target range sa gobyerno nga 2% ngadto sa 4%, samtang ang unemployment ug underemployment rates nagpabilin nga ubos sa national average.
Gihimug-atan ni Baricuatro, nga ang maong mga kalambuan gipasiugdahan sa mga service sector, samtang ang mga buhatan sa gobyerno ug mga local government units nagpadayon sa mga paningkamot sa pagpalig-on sa pangagamhanan imprastraktura, agrikultura, soial service, environmental resilience.
Ubos sa iyang pangagamhanan, tumong niini ang pagpakunhod sa poverty incidence ngadto sa 10.5% sa 2028 gikan sa 17.3% nga natala sa 2023.
Dugang usab niini nga ang rehiyon magpadayon sa mga strategic high-impact projects aron masiguro ang kalambuan sa ekonomiya nga moresulta sa daghang mga trabaho, mas maayong serbisyo, ug mas daghang mga oportunidad alang sa mga komunidad sa tibuok Central Visayas.
