CEBU CITY-Nag-awhag ang Basilica Minore del Santo Niño sa mga pilgrim ug mga deboto nga mobisita para sa ika-459 nga Fiesta Señor sa pagsunod sa gihatag nga mga pahinumdom.
Nihatag og gibug-aton si Fr. John Ion Miranda, head sa safety og security sa maong kalihokan sa kamahinungdanon sa usa ka luwas, hapsay, ug solemne nga selebrasyon.
Matud ni Miranda nga kinahanglang mosulod sa simbahan ang tanang mga deboto gikan sa Magallanes Street, nga ang mga entrada nahimutang duol sa Magellan’s Cross.
Dugang pa, usa ka bulag nga lane ang gitakda alang sa mga senior citizen, PWD, ug mga mabdos nga adunay usa ka kauban sa P. Burgos Street.
Subay sa maong balita, sulod sa Basilica, aduna’y duha ka lugar ang gigahin alang sa PWDs ug senior citizens.
Samtang ang candle lighting area nga gituyo alang sa mga senior citizens ug PWDs nahimutang na duol sa D. Jakosalem Street grounds, imbes sulod sa Basilica duol sa pilgrim center ug exit anaa sa Osmeña Boulevard.
Gisaysay usab ni Miranda nga moubos lang sa 5,000 ka mga deboto ang ilang tugutan nga makasulod sa Basilica karong tuiga.
