Nagpositibo sa alcohol test breathalyzer ang usa ka batan-on, kinsa nidaro sa mga bollards sa sayong bahin ning adlawa, Pebrero 24, sa N. Bacalso Avenue, Barangay Linao.
Matod sa City of Talisay Traffic Operations & Development Authority, girespondihan dayun sa LTO-7 ang maong panghitabo ug nihimo diha-diha dayon og pagsuta sa drayber.
Dugang pa, atol sa pagpakighinabi sa driver ngdto kang CT-TODA Head Jonathan Tumulak, gikabutyag nga gagikan sila sa Cordova ug nag-inom, dayun milahos sa Cebu City ug pagka human mopauli sa Toledo, apan na aksidente sa Linao.
Subay niini, adunay gikatakdang kaso nga ipasaka batok sa maong batan-on subay sa paglapas sa RA 10586 kon Anti-Drunk and Drugged Driving Act of 2013.
Ingun man nga nanawagan usab ang CT-TODA ngadto sa mga drivers nga likayan ang pagmaniho nga adunay impluwensya sa ilimnong makahubog aron malikayan ang disgrasya.
