Bea Borres, emosyonal human nakagawas na sa NICU ang iyang baby sulod sa 44 ka adlaw

Emosyonal nga gipaambit sa aktres ug vlogger nga si Bea Borres nga human sa 44 ka adlaw nga anaa sa Neonatal Intensive Care Unit (NICU) ang iyang anak nga babaye nga si Victoria Hope o gitawag nga Baby Pea kay finally nakauli na kini sa ilang balay.

Matud sa iyang caption nga mas lig-on pa ang anak kon itandi kaniya gumikan nakigbisog kini sa NICU sulod sa 44 ka adlaw.

Busa wala niya napugngan nga makahilak tungod sa kalipay nga iyang nabati.

Dungan usab kini sa iyang gibutyag nga nanganak na siya sa miagi pang tuig.

Mipaabot usab og pahalipay ang mga kaubanan niini sa industriya ug gidayeg sa mga fans ug netizens ang kaisog ni Bea hilabi na nga dayag kini nga mipaambit sa publiko nga usa siya ka single mom.