Gipahibalo ni United States (US) President Joe Biden nga ang kamatayon sa Hezbollah leader nga si Hassan Nasrallah usa ka ‘measure of justice’ sa mga biktima ubos sa iyang pamunoan, American civilian man, Israelis o Lebanese.
Tungod kay usa si Nasrallah sa mga lider nga nipatay og gatosan ka American citizen sulod sa upat ka dekada niyang pamunoan.
Gipasabot pa ni Biden, ang kamatayon sa Hezbollah leader giingong nag-ugat sa pag-atake sa Iran batok sa Israel niadtong Oktubre 7 sa miaging tuig, nga mao usab ang pag-abli sa gitawag ni Nasrallah nga ‘northern front’ batok sa Israel.
Dugang pa niini, ang Estados Unidos giingong nagsuporta sa mga aksyon sa Israel batok sa Iran, nga usa lamang ka depensa sa posibleng pag-ugat sa mas daghang posibleng kaswalti ug pagkaangol sa Israel.
Samtang, gipasalig ni Biden nga ang ilang tinguha mao ang paghupay sa nagpadayon nga gubat tali sa duha ka mga nasud pinaagi sa “diplomatic nga paagi”.
Giingong gihingusgan pa ang tigom sa pipila ka nasod uban sa United Nations Security Council aron mapatuman ang ceasefire ug ang pagbuhi sa mga hostage nga gihuptan sa Iran ug Israel.
Kaniadto, gimandoan usab ni Biden ang Secretary of Defense ng US nga hugtan ug dugangan pa ang gipakatap nga mga personahe sa militar sa mga rehiyon sa Middle East aron mapugngan ang posible nga mga agresibo nga pag-atake ug mapugngan usab ang paglala sa mga panaglalis sa rehiyon ug teritoryo sa rehiyon.
