CEBU CITY-Tugotan sa Bureau of Jail Management and Penology (BJMP-7) ang pagpangampanya sulod sa mga correctional facilities sa ilahang buhatan alang sa Barangay at Sangguniang Kabataan Elections 2023.
Mao kini ang gibutyag sa pangu sa Community Relations Service Section sa Bureau of Jail and Management Penology 7 (BJMP-7) nga si JSupt. Thomas Augustine Catarata.
Sa pikas bahin, hatagan og kahigayonan ang mga ang Prisoners Deprived of Liberty (PDLs) nga makasalmot sa umaabot nga Barangay at Sangguniang Kabataan Elections 2023 karung umaabot nga Oktubre 30, 2023.
Matod sa opisyal nga adunay kinatibuk-an nga 5,520 nga mga rehistradong botante sa PDL sa BJMP-7, ug ingon man adunay 41 ka mga bilanggoan nga gitudlo nga mga sentro sa pagbotar sa lugar ug dugang nga 10 ka mga lokasyon nga gitukod alang sa offsite nga pagboto.
Ang BJMP-7 aktibong nakig-alayon sa Philippine National Police (PNP) aron masiguro ang seguridad sa mga PDL atol sa proseso sa eleksyon.
