Dili gihapon makatuo ang usa sa mga nag-top sa November-December 2025 Dentist Licensure Examination sa dihang naapil sa listahan sa mga nag-una sa iyang propesyon.
Kini ang gipaambit ni Steffi Zen B. Villas, gikan sa Southwestern University ang nakakuha sa Ikapito (7th) nga pwesto sa DLE nga gipagawas sa Professional Regulation Commission (PRC).
Si Villas, nga lumad nga taga Bohol nakakuha og rating nga 86.14% ug kauban niya sa Top 10 ang laing duha ka gradwar sa SWU, sila si Irene May Panilagao Robles (3rd place) ug Rochell Garingo (6th place), ingon man nga dili na kini bag-o gumikan usa ang ilang tunghaan sa mga manghawd gayud sa eksaminasyon.
Atol sa pakighinabi sa Bombo Newsteam kang Villas gisaysay niini nga gawas sa iyang kalipay nga nabati kay gisaysay usab niini ang iyang nabati nga ‘pressure’ gumikan sa ekspektasyon sa laing tawo hilabi na sa iyang gitunghaan.
Apan, nagpabilin gihapon ang pagtuo ni Villas nga dili bug-at ang panan-aw sa ubang taw ngadto kaniya kon itandi sa pasalig sa iyang kaugalingon ug ang pagtuo sa iyang pamilya.
Gumikan matud pa niini nga pagtuo sa kuagalingon ug pag-aplikar sa nakat-unan ang nahimong yawe paingon sa iyang nakab-ot nga pangandoy.
Ingon man nga dako usab nga tabang ang wala niya gi-overthink ang resulta bisan paman subsob ang iyang gihimo nga pagpangandam sa eksaminasyon.
