CENTRAL VISAYAS-Malampuson ang tanang paglunsad sa Brigada diin daghan ang mga nisalmot arun motabang sa maong kalihukan.
Gidayeg sa Regional Director DepEd 7, Dr. Salustiano Jimenez ang gipakita nga panaghiusa sa mga external ug internal stakeholders, sa Regional 7, non-government ug local government unit (LGUs) lakip na ang mga ginikanan nga nigahin sa ilahang oras arun sa pagpangandam sa umaabotay nga pag-abli sa S.Y 2024-2025.
Dako usab ang pasalamat ni Jimenez sa mga media outlet sama sa Bombo Radyo tungod sa pag-anunsyo nga niawhag sa kadaghanan.
Sa laing bahin, gituki usab sa Bombo Radyo Cebu ang kabahin sa ‘Matatag Curriculum’ apan, giklaro sa Director nga dili pa magamit tungod nag-screening’ pa ang mga magtutudlo kinsang mohupot sa naasoy nga curriculum.
Dugang pa, nga gisiguro nila nga magpabilin ang ‘core competencies’ arun ang mga magtutudlo ug magtutun-an dili magproblema sa hilabihan nga kadaghan sa tun-anan.
