PROVINCE OF BOHOL- Naangol ang dili mominos 15 ka mga pasahero sa pampasaheroan nga bus human kini nalimbuwad duol sa manmade forest sa national highway sa dalan Loay–Carmen sa Barangay Villa Aurora, Bilar, Bohol, adlaw nga Martes, Hulyo 29.
Gimaneho ang maong bus sa giilang si Jernel, taga Loboc, Bohol, nga anaa na karon sa kustodiya sa Bilar Municipal Police Station.
Nasayran sa imbestigasyon nga samtang nagpaingon sa Loboc ang bus kalit kining niliko human na-overshoot sa kurbada, ug sa dihang ang drayber misulay sa pagbawi sa kontrol, napakyas kini sa pagpabalik sa sakyanan sa agianan, nga miresulta sa pagkabalitok sa bus.
Tungod sa kusog nga impact, daghang mga pasahero sulod sa bus ang naangul, ug mayo nalang nga wala’y nakalas.
Human sa hitabo, miikyas ang driver tungod sa kahadlok nga kulatahon sa mga pasahero, apan pipila ka gutl niini boluntaryong mitahan sa Loboc Municipal Police Station ang maong driver.
Dali usab nga miresponde ang mga sakop sa Bilar Search and Rescue Unit aron mahatagan og first aid ang mga naangol nga pasahero.
Kasong reckless imprudence resulting in multiple physical injuries ug damage to property ang atubangon sa maong drayber. | Bombo Nathaniel Sandoval
