Nisalmot ang gastosan ka mga Carbon Market vendors, uban sa mga residente sa Sitio Bato, Barangay Ermita ug mga aktibista, nagtigom alang sa usa ka rally nga gipangulohan sa Save Carbon Public Market Movement niadtong Martes, Agosto 25, 2026.
Sugod sa Cebu Freedom Park, ang grupo nagprotesta atubangan sa Cebu City Hall aron mangayo og transparency kabahin sa mga nakaplagan sa Commission on Audit (COA) kabahin sa Joint Venture Agreement (JVA) sa merkado.
Gawas sa pagklaro sa pondo ug kontrata, gipahayag usab sa mga nagprotesta ang ilang hugot nga pagsupak sa planong pribatisasyon sa Carbon Market ug ang ilang panawagan alang sa hingpit nga pagbasura sa nahisgutang JVA.
Subay niini, eksklusibong nahinabi sa Bombo Radyo news team si Gigi, usa ka vendor sa Carbon Market, nga ibasura ug ihunong na ang Joint Venture Agreement (JVA) tali sa kagamhanan ug sa Megawide kabahin sa pagpapribado sa Carbon Market sa Freedom Park.
Sumala pa kaniya, daghang mga vendor ug ordinaryong tawo ang maapektuhan ug maingon nga “makulban sa kaldero” kung ipadayon kini nga kalambuan.
Gipahayag usab ni Gigi nga unta paminawon ni Cebu City Mayor Archival ang mga yangungo ug hangyo sa katawhan ug ipatuman ang iyang mga gipang-saad sa wala pa ang eleksyon.
Matud pa niya, ang pagpahunong sa JVA dili lang para sa kasamtangang mga vendor ug mamalitay, kundili para usab sa mga umaabot nga henerasyon nga mosulod ug maninguha sa maong merkado.
