Nakatutok na ang double Olympic gold medalist nga si Carlos Yulo sa usa ka event sa 33rd Southeast Asian Games.
Matud ni Gymnastics Association of the Philippines (GAP) President Cynthia Carrion nga tungod sa mga restriksyon sa organizer, depensaan lang niini ang titulo sa parallel bars nga iyang nadaog sa 2023 SEA Games sa Cambodia.
Bisan paman, kinahanglan pa nga susihon sa mga coach kung unsang kalihokan ang iyang apilan.
Subay kini sa pabasura sa SEA Games organizers sa men’s ug women’s individual all-around ug team events.
Ug tugutan nalang ang mga gymnast nga makasalmot sa tulo ka qualifications apan kinahanglang mopili sila og usa kon makapasar sa multiple finals.
Ang SEA Games ipahigayon gikan sa Disyembre 9 hangtod 20 sa Bangkok, Thailand.
