Sugdan na og pang-apod apud sa kagamhanan sa Dakbayan sa Sugbo ang quarterly nga mga hinabang alang sa mga miyembro sa Senior Citizens sa umaabot sunod semana sa adlawng Biyernes, June 19, 2026.
Matud ni Cebu City Councilor Jun Alcover, nga sa sunod adlawng Biyernes na sa sunod semana ipanghatag ang mga cash-aid alang sa mga Senior Citizens nga nakaparehistro og miyembro sa Dakbayan sa Sugbo, nga ipahigayon sa mga nagkadaiyang Barangay sa Dakbayan.
Kini human nga wala mapirmahi ni Cebu City Mayor Nestor Archival ang ordinansa nga nag-amyendar sa City Ordinance No. 2453 nga nagpabalik sa quarterly ang pagpay-out sa mga benepisyaryo.
Lakip sa mga giamyendar sa maong ordinansa mao ang pagtugot sa mga benepisyaryo sa paghatag og katungod sa ilang mga kabanay o guardian nga maoy mo claim sa ilang financial assistance pinaagi sa authorization letter.
Kini aron madawat ra gihapon sa mga miyembro ang ilang hinabang gikan sa kagamhanan taliwa sa mga kaso nga aduna nay naglubog gumikan sa sakit o kakulian sa kahimtang sa panglawas o dibakaha nahimutang gawas sa hurisdiksyon sa Dakbayan.
Mokabat sa 1.4 Billion ang gitagana nga budget alang sa mga Senior Citizens karong tuiga, og possible pa nga malakip na nga makadawat ang 2014-2015 nga mga na rehistro apan padayon pa kining gitun-an.
Plano usab sa konseho nga ipaagi sa supplemental budget ang maong mga hinabang aron mahatagan og dugang budget ang mga Senior Citizens sa dakbayan
