CEBU CITY-Paimbestigahan sa buhatan sa Cebu City Police Office ang insidente nga nahitabo sa entrada sa Basilica Minore del Sto Niño diin ang usa ka mahuyang nga giila nga si John Kevin Mirafuentes o alyas Teacher Athena.
Kini human mi-viral sa social media ang video sa account ni Teacher Athena nga dili lang sa gihasul-hasul siya sa entrada sa Basilica apan nakadawa pud kini ug mga pangutana nga naka diskrimina niya isip miyembro sa LGBT community.
Gipangayuan pa kini ug 1-ka valid ID si Teacher Athena og sa dihang mitunol siya sa iyang Philippine Passport kay gibalibaran kini kay dili daw madawat sa mga security personnel ug sa tourism police nga nadestino atong orasa.
Sa dihang pagkahibalo sa mga personahe nga biologically “male” sa government ID si Teacher Athena kay gipalahus nalang kini og pasulod sa naasoy nga mga sekyu.
Apan dili mahimutang ang buhatan sa CCPO og pagasugdan nila kini og tukma nga imbestigasyon ilabi na sa isyu sa diskriminasyon kabahin sa gender expression sa usa ka indibidwal.
Kahinumduman nga adunay balaudnong ordinansa ang dakbayan sa Sugbo nga may kalabot sa diskriminasyon sa mga miyembro sa LGBT community og nuot pa ni Teacher Athena nga paninguhaan niyang ipasaka ang maong insidente.
