Sub-sob ang pagpangandam sa Cebu City Traffic Office sa pagpangandam og paghimo og ga lakang sa dagan sa trapiko sa dakbayan, alang sa umaabot nga Pasko, hilabi na gayud nga peak season.
Nagpahigayon usab og walk through ang kagamhanan sa dakbayan sa Sugbo, inabagan sa buhatan CCTO alang usab sa pagpangandam sa grand parade sa Sinulog 2026, diin usab niini si Cebu City Mayor Nestor Archival, Cebu City Councilor Paul Labra og kasamtangang CCPO Cheif Goerge Ylanan, niadtong Miyerkules, Disyembre 17.
Matud ni Cebu City Traffic Office Head Raquel Arce, nga gisusi nila ang mga nagkadaiyang kadalanan nga sagad gayud nga makasinati ug grabeng kahout sa traffic, Nakita usab sa mga opisyal nga adunay pipila ka mga poste ang mga depektibo ug bahin sa mga kadalanan nga adunay mga lim-aw.
Sigon usab ni Arce, nga trabahoun na usab sa kagamhanan sa dakbayan ang mga kadalanan nga lubak-lubak sa dili pa mulabang sa sunod tuig gumikan kay una na kining gimando sa Mayor ang maong problema, sa pikas bahin usab magpahigayon ang dakbayan og trimming sa mga punoan nga sagabal sa kahayag sa kapostihan og pagpahiluna sa mga gubot nga electrical wires.
Gihimug-atan usab ni Arce, nga usa sa nakitang rason sa kahout sa trapiko mao ang pagdagsa sa mga commuters og motorista gumikan sa holiday season, matud niini nga aduna usab silay daghang mga nadawat nga kaso sa aksidente og panagbangga sukad Disyembre 16.
Samtang, nakaandam usab ang mga sakop sa CCTO aron pag-abag sa dagan sa trapiko sa tibouk buwan hilabi na usab nga padayon pa ang mga “misa de gallo”.
Sa pikas bahin, mo abag usab ang kagamhanan sa dakbayan sa paghatag og libreng sakay alang sa mga commuters nga naglisod og commute gumikan sa kahout sa trapiko.
