Nagpasidaan ang Iran nga ang kasamtangang kasabotan sa ceasefire uban sa Estados Unidos mahimong maapektuhan kon padayong atakihon sa Israel ang Beirut, Lebanon, taliwala sa nagkataas nga tensyon sa rehiyon.
Gitino ni Iranian Foreign Minister Abbas Araghchi nga ang kasabotan uban sa Washington nagtumong sa usa ka “ceasefire sa tanang natad, lakip na sa Lebanon,” ug ang bisan unsang paglapas sa usa ka dapit mahimong moresulta sa pagkahugno sa tibuok nga kasabotan.
Ang maong pahayag miguwas human mimando si Israeli Prime Minister Benjamin Netanyahu og mga airstrike sa distrito sa Dahiyeh sa Beirut, nga iyang gitawag nga “terror infrastructure” dungan sa giingong mga pag-atake sa rocket ug drone sa grupong Hezbollah.
Sa pikas bahin, gipahayag ni U.S. President Donald Trump nga nagpadayon ang iyang pakig-estorya sa duha ka habig, lakip na kang Netanyahu ug sa mga representante nga may kalambigitan sa Hezbollah.
Bisan pa man niini, wala pay opisyal nga kompirmasyon kon aduna ba gayoy direktang komunikasyon tali sa U.S. ug Hezbollah.
Gikumpirma ni Netanyahu ang iyang pakigsulti kang Trump apan miinsistir kini nga padayunon sa Israel ang mga operasyon militar kon dili mohunong ang militanteng grupo sa pagpangatake sa mga sibilyan sa Israel.
